Dass kummt m’r Sapnisch vor

Vor gudd dreißisch Joor, als ess uff d’r Hidd noch gebrummd hadd, war ich fier die Hidd in Südamerika – zum Schaffe. Un nadierlich musst ich doo aach die Sprooch kenne. Awer dass war è Sach fier sich.

Als ich geheert hann, dass ich nò Brasilje soll, hann ich mich nadierlich erschd émol gefreut. Wer denkt doo nett an Cocacapana, Mädschjer im leene Badeanzuch unn all dass anere. Awwer doo iss mir aach kumm, dass die ganz anerschd schwätze wie mier. Also hann ich mich umgeheert und gesaat kritt, dass die doo unne Spanisch schätze.

Weil die Hidd alles bezahlt hatt, hann ich dann aach ganz schnell in Saarbrigge è Sprochkurs vor Spanisch gemacht. Unn dass hatt gudd geklappd: Habla espanjol? Ich kann’s.

Bleed war dann nur, dass die Spanier kèè Spanisch konnde, also die Brasiljaner. Wie ich doo unne ahnkumm, unn kèè Mensch vasteht mich, krie ich gesaat, dass die Portugiesisch schwätze. Brasilje iss dass enzisch Land in Südamerika, wo sé kèè Spanisch schwätze. Un ich musst dò hinn.

Dòò hadd der Spass vunn vorre angefang – unn ich hann Brasiljanisch, also Portugiesisch gelehrt. Jetzt kann ich dass aach.

newslinks

Mundarttexte der Bosener Gruppe

+++